google978c4e921fe1bd28.html

KAGWACI : KANGUBIRI GIRLS HIGH SCHOOL KIKUYU RECITAL

Kagwaci:Kangubiri Girls’ High School!

ũmũthĩ ndinoka kũmwonia maũndũ ma kũmakania, na ndinoka kũĩonania kana kũĩgerekania. Ndoka kũmũhũnia na ndeto cia kũmũkania na kũmũkenia kaĩ nĩ mũkũ thikĩrĩria wega ta rĩ kaũndũ kega ndoka kuugaĩ nĩ mĩtugo ya amwe anyu yatũma njũke na ndigũconoka, ngũaria cararũkũ mwenda kũmena mũmene. Gũtirĩ kagwacĩ gakaumbĩkwo mwage kuumbũria? mũtingĩiganĩra na iria ciothe mwana umbũria?

Iganĩrai tondũ gaka gakwa mũtikũrĩa, tigai thuti…ĩno ti thwiti kana mũthigwiti, na ti mahuti marĩa wahũra kibĩriti mathiraga ta gatheti. Ningĩ ti kabagiti ka mũcere wa basmati..aca, gaka ni kagwacĩ gakwa na gatikuenyũranwo, gatigũtharanwo, ni karekwo gakũre.

Kagũre, warekereria bembe ngũre, irĩo nĩ ngure wiroreire?
Na uĩ arika gucikaburia ndatigithagĩria.
Kagũre, woiyaiyawakwa ĩĩ,curia bembe ikũmbi cienda kũrĩo nĩ mbũca irĩo! na cienda kũninwo ni mbĩa..ininwo. hĩĩĩ..ĩĩ nĩũĩ ngũre kana nĩ kumũigua ũmũiguaga? arũmagĩrĩra watho wa hiti number 1; kĩndũ kĩoneku, gĩtiĩkagirĩrwo mũhũthia.

No niĩ ngũkwĩra atĩrĩ,
kĩondo gĩtuĩku gĩtiĩkagĩrwo mahũithia.
Cũcũ witũ atũraga na kĩeha na kĩmako kĩingi..
Eeyonagĩra maingĩ na makũgegania rĩrĩa kagũre na ngũre mookĩte mũciĩ. Amaroraga, akagega, akamaka, akenyita mahĩndĩ akoria atĩrĩ..ĩĩ nĩ rũrũ…kagũre, no nginya wĩhumbe gabirauthi gatiru?,wonagwo mũkonyo nĩ ihĩĩ cia kambi, kaburauthi kaigana gatambaya ga kũmira, ĩĩ ũkai mũone, kaĩ ũtarĩ thoni? Wacoka waihũria mĩniũrũ thakame toyũ ũgũtambura kĩndũ kĩ mwoyo.
ici nacio ni ndwara wahaka rangi cia hana cia jezebeli?
wooi gacũcũ gakwa.

ũyũ nake nũ ũhana tauma kũuna ngũ ?…ĩĩ atĩ boyfriend?..aii ũyũ wa rika na reli mũrerana atĩa? Kĩndũ kĩega gĩkũrũ, no irigũ. Tene ndũngĩahutirie ngwacĩ yenyũnyagĩrwo taũ, kana kũmĩgiagia ũguo mũmĩgiagiaga; tene ndũngĩaumbũririe ngwacĩ itarĩ ngũrũ kana kũmĩthikũria ĩtatũkĩirie, Yetagĩrĩrwo ĩkĩre na ĩtunguhe.
No ĩdĩ anake na airĩtu arĩa tũĩnao matukũ maya ĩĩ,
matuĩkire ciũngũrũria, matirekaga ona ngwaci irĩmĩrwo
Rũrĩo rwa rura, magaitĩka kuo ta mbura. Makarũtambura ta Nyambura agĩtauka ngara, kana Waitara agĩfokera makara. Mona kagwacĩ gaceke,no
kunguũria. ka theha, no kũnguũria. ka raiha,no kũnguũria.
gatunguha,no kũnguũria.
Nũ waigire yanora no nginya ĩthĩnjwo?

Ndĩ kagwacĩ gakwa ndahandĩirwo nĩ maitu. kau ndigakarĩa ndĩ wiki na ndigakanina na wiki. Kau ndigakagetha ndĩ wiki, nĩ ka metha ya ũhiki. Kau ndigatherũkia ni kuhĩhia ngahĩhia, njoke ndĩkaharahare, keerũhe cwaa, gagĩcaine oo gũucaina, kagĩe cama ta nyama ya choma na ngima. Njoke nduge gacai ga cocoa…aakunda gakunda…aaruma ngaruma…aahũna ngahũna..aa nyotoka nganyotoka..ngũaria na mĩheho mũthikĩrĩrie wega

Kagwacĩ gathũkaga rĩrĩa ũkũnyua fangi ta kanangi ũkahana ta ngi.
Ndũngĩĩfanga.
Kagwacĩ gathũkaga rĩrĩa ukũnyua njohi ta Wanjohi ũkĩmenyaga nĩ njohi,
Ndugĩohora.
Kagwaci gathũkaga rĩrĩa ũkũnyua dawa cia kũrevya ũkĩmenyaga nĩ mehia,
Ndũngĩhonokia.

Kagwacĩ gaku we ti ndigiri ya wakĩri ĩrĩa ĩkururagia giri ĩkĩhuragia mbĩri, aca.
Kagwacĩ gaku we ti kĩhato kĩa wahĩto ukĩhatwo mũĩhĩrĩto, acaa.
Kagwacĩ gaku nĩ njata ya ũrata, ĩrĩa ĩtataga matata ma mata, ĩĩ ta ũkĩ wa tata.

Mata makwa nĩ maratata ndakagweta, ũka, huruũka, hũmũka, nĩ ngũka na motoka
,iii tamaka, tiga gũconoka. No kagwacĩ gakwa ndũngĩrũma nĩndarega.

Kagwacĩ gakwa arata,nĩ karekwo gakũre. Thayũ.

Comments

comments

Tags: , ,
%d bloggers like this: